Dezertori rus tregon sekretet e bazave bërthamore të Putinit: Ditën që nisi pushtimi i Ukrainës na tha se… 26/11 11:52
Një nga sindikatat më të mëdha të mësuesve në SHBA deklaroi se është e hapur për “greva të sigurisë” nëse shtetet vendosin rifillimin e mësimit pa ndërmarrë hapat e duhur për të mbrojtur e nxënësve dhe të mësuesve nga koronavirusi.
Federata Amerikane e Mësimdhënësve nxorrën një deklaratë ku përshkruhen kërkesat e saj lidhur me rihapjen e shkollave në vjeshtë.”Asgjë nuk është jashtë tryezës kur bëhet fjalë për sigurinë dhe shëndetin e atyre që ne përfaqësojmë dhe atyre të cilëve ne u shërbejmë, duke përfshirë këtu mbështetjen e grevave të sigurisë lokale të anëtarëve të bashkisë ose të shtetit, rast pas rasti, si zgjidhja e fundit”, thuhet në deklaratë.
Federata kërkon që shkollat të hapen vetëm në ato komunitete ku niveli i transmetimit të sëmundjes është nën 1 përqind, dhe me akomodim për mësuesit e rrezikuar. Në fillim të këtij muaji, presidenti Donald Trump kërcënoi të ndërpresë fondet për shkollat që nuk do të rihapen. “Në Gjermani, Danimarkë, Norvegji, Suedi dhe shumë vende të tjera, shkollat janë hapur pa asnjë problem”, shkroi ai në Twitter.
“Demokratët mendojnë se do të ishte keq për ta politikisht nëse shkollat amerikane hapen para zgjedhjeve të nëntorit, por kjo është e rëndësishme për fëmijët dhe familjet. Mund t`ia ndërpres fondet nëse nuk hapen!” , u shpreh shefi i Shtëpisë së Bardhë.
Top Channel
