I dënuar me 10 vite burg në Itali për tentativë vrasje dhe vjedhje me pasoja të rënda, “Shqiponjat” arrestojnë “të fortin” me tre mbiemra! Pritet ekstradimi i tij 26/04 13:42
Opozita e Bashkuar, me kërkesë të saj, zhvilloi sot një takim me Ambasadorët e SHBA-së dhe BE-së për t’i informuar mbi qëndrimin e saj lidhur me Reformën Zgjedhore dhe veprimet që ka ndërmarrë Kryeministri Rama sa i takon Marrëveshjes së 5 Qershorit, për të cilën të dy Ambasadorët kanë qenë garant.
Në njoftimin për shtyp të Opozitës së Bashkuar thuhet:
“Duke i falenderuar Ambasadorët për rolin e tyre gjatë punës 6 mujore, të përbashkët të palëve në Këshillin Politik, Opozita e Bashkuar bëri të qartë se ndryshimi i njëanshëm i Kushtetutës ndryshon elementët bazë të sistemit zgjedhor, bie ndesh me Marrëveshjen e 14 Janarit, minon Marrëveshjen e 5 Qershorit, është në kundërshtim me Rekomandimet e OSBE-ODIHR dhe Komisionit të Venecias, si dhe zhbën ligjin e miratuar më 23 Korrik nga Kuvendi në përputhje me marrëveshjen e 5 Qershorit.
Opozita e Bashkuar theksoi se logjika e “faktit të kryer” që përdor Kryeministri Rama është një përpjekje e vazhdueshme për të minuar dialogun politik mes palëve dhe cënon besimin tek partnerët ndërkombëtarë, të cilët, në mënyrë të përsëritur, po bëjnë thirrje për dialog, duke theksuar se gjithëpërfshirja është standard botërisht i pranuar për realizimin e Refomës Zgjedhore. Opozita e Bashkuar garantoi se nuk do të bjerë pre e këtij provokimi, duke vazhduar të jetë e angazhuar për dialog dhe për të ruajtur arritjen e konsensusit dhe Marrëveshjes së 5 Qershorit, që është kyç për stabilitetin, demokracinë dhe për procesin e integrimit evropian të Shqipërisë në BE.”
Top Channel
