Lufta është drejt fundit? Burimi për CNN: Marrëveshja e armëpushimit midis Izraelit dhe Hezbollahut është shumë afër 25/11 10:15
Zyrtari më i lartë i SHBA për sëmundjet infektive tha se shtimi i rasteve me koronavirus në Florida, Kaliforni dhe disa shtete të tjera amerikane të goditura rëndë mundet që shumë shpejt të arrijë pikun, por pjesë të tjera të vendit duket se janë në prag të rritjes së shpërthimeve.
Një shtim i dukshëm i rasteve në Florida, si dhe në Teksas, Arizona dhe Kaliforni këtë muaj ka mbingarkuar spitalet, duke sjellë një prapakthehu në masat për të rihapur ekonomitë dhe duke ngjallur shqetësime se përpjekjet e vendit për të kontrolluar virusin po dështojnë.
“Shpërthimet mund të arrijnë pikun dhe pastaj të rikthehen,” tha Dr. Anthony Fauci, kreu i Institutit Kombëtar të Alergjive dhe Sëmundjeve infektive, për programin ABC.
Dr. Fauci tha se ekzistonte një tregues qysh herët, se përqindja e testeve që dilnin pozitive kishte filluar të rritej në shtete të tjera, si Ohajo, Indiana, Tenesi dhe Kentaki.
“Kjo është një shenjë e sigurt se duhet të keni kujdes”, tha ai.
Eksperti u bëri thirrje shteteve me ritme të larta shtimi të virusit që të veprojnë shpejt dhe shteteve të tjera që të rihapen duke ndjekur me kujdes udhëzimet e përcaktuara nga zyrtarët dhe ekspertët e shëndetit.
Dr. Fauci është kthyer në një shënjestër sulmesh nga ana e disa mbështetësve të Presidentit Donald Trump, të cilët e akuzojnë ekspertin 79-vjeçar se po e zmadhon tej mase shtrirjen dhe intensitetin e sëmundjes duke mos u kushtuar rëndësi as kurave të mundshme.
Presidenti Trump, i cili po kërkon një mandat të dytë në Shtëpinë e Bardhë në zgjedhjet e 3 nëntorit, i bëri retweet një postimi ku akuzohej Dr. Fauci dhe demokratët se po e mbajnë jashtë vemendjes përdorimin e ilaçit hidroksilklorinë për trajtimin e koronavirusit.
Një zëdhënës i Twitter-it konfirmoi se komenti në fjalë që shoqërohej me video ku mohohej nevoja për vënien e maskës, ishte në shkelje të praktikën e kompanisë për mospërhapjen e dezinformatave për COVID-19n, ndërkohë që fshiu komentet e ndara nga presidenti me ndjekësit e tij.
Në intervistën e tij me televizionin ABC, Dr. Fauci mbrojti punën e tij në favor të shëndetit të amerikanëve.
“Në asnjë rrethanë nuk i kam dhënë publikut informacion të gabuar,” tha ai.
Numri i njerëzve në Shtetet e Bashkuara që kanë humbur jetën nga COVID-19, u rrit në 148,446 të hënën, me më shumë se 4,3 milion raste të konfirmuara.
Florida pati 191 vdekje në 24 orët e fundit, rritja më e lartë ditore që nga fillimi i epidemisë./VOA/
Top Channel
