Frekuentimi i ujërave termale zakonisht është i rekomanduar për periudhën prill-maj dhe shtator-tetor.
Por pranvera e këtij viti kaloi në izolim dhe ishte e pamundur për të frekuentuar Llixhat. Por duket se qytetarët e Kosovës nuk do të heqin dorë nga marrja e këtij shërbimi të cilin e konsiderojnë të domosdoshëm. Edhe pse në temperatura të larta, ata kanë nisur kurimin e tyre në ujërat termale në Tregan të Elbasanit.
Një vit më parë numri i turistëve kurativë në Llixhat e Elbasanit arrinte 6-8 mijë persona. Nëse nuk kishe prenotuar shumë kohë më parë ishte e pamundur të gjeje mundësi akomodimi.
Ky vit për shkak të pandemisë bllokoi ardhjen e shtetasve të Kosovës e të Maqedonisë, të cilët janë rikthyer me tu hapur kufijtë, edhe pse jo në numër të madh nga frika e pandemisë.
Top Channel
