Prokurorët sfidojnë Trump-in! Kundërshtojnë anulimin e dënimit të presidentit për “paratë e heshtjes” 19/11 22:49
Zyrtarët në Britani kanë dalë me një pretendim sensacional se Rusia po kërcënon “përdorimin paqësor të hapësirës” pasi ka lëshuar një mjet balistik “me karakteristikat e një arme” gjatë testimeve të një sateliti.
Kreu i drejtorisë hapësinore britanike zv-marshal Harvey Smyth, tha: “Ne jemi të shqetësuar nga mënyra sesi Rusia ka testuar një nga satelitët e saj duke lëshuar prej tij një mjet me karakteristikat e një arme”.
“Veprime të këtij lloji kërcënojnë përdorimin paqësor të hapësirës dhe rrezikojnë shkaktimin e mbetjeve që kërcënojnë satelitët dhe sistemet hapësinore nga të cilat varet bota. Ne i bëjmë thirrje Rusisë të shmangë testime të këtij lloji dhe e nxisim të punojë me partnerët për inkurajimin e sjelljeve të përgjegjshme në hapësirë”, thuhej në deklaratën britanike.
SHBA gjithashtu e dënoi veprimin, duke e përshkruar eventin si një testim të mundshëm të armëve anti-satelit.
Komanda amerikane tha se Rusia kishte “injektuar një objekt të ri në orbitë” nga sateliti Cosmos 2543.
SHBA ka akuzuar edhe më herët se Rusia po kryen testime anti-satelit, dhe me këtë ka justifikuar krijimin e degës së saj ushtarake hapësinore.
Zhvillimi vjen në një kohë kur presidenti Donald Trump, i tha homologut të tij rus Vladimir Putin, se dëshironte të shmangte garën e kushtueshme të armatimeve me Rusinë e Kinën, dhe shpresonte për progres në negociatat e kontrollit të armëve.
Top Channel
