Këshilli NATO-Ukrainë takohet lidhur me sistemet ajrore! A mund ta furnizojnë aleatët Kievin? 19/04 09:41
Gazetarja e Al Jazeera, Kimberly Halkett,majtas, dhe zedhenesja e Trump, Kayleigh McEnany djathtas
Një gazetare e Shtëpisë së Bardhë ka mohuar se ka quajtur zëdhënësen e shtypi të Donald Trump “kurvë gënjeshtare” pas akuzave kishte kishte përmedur me gjysmë zëri fjalët e rënda gjatë konferencës direkte të shtypit.
Korrespondentja ne Shtëpinë e Bardhë e rrjetit Al Jazeera, Kimberly Halkett u dënua nga kolegët që pretendonin se kishte thënë ‘Okay, you’re a lying bitch’ teksa fliste sot me zëdhënësen Kayleigh McEnany në sesionin e pyetje-përgjigjeve. Halkett akuzohet se ka përmendur sharjen gjatë debatit me McEnany për çështjen e votave me postë, e cila kundërshtohet me insistencë nga Presidenti Trump, pasi sipas tij i hap rrugë manipulimeve.
McEnany i përgjigjet Halkett teksa kjo e fundit citon statistikat e manipulimeve: “E di që nuk të pëlqen të dëgjosh, prandaj dhe kërkon të flasësh mbi zërin tim”.
Por Halkett vazhdon me pyetjen e saj derisa McEnany ia pret shkurt: “I bëre dy pyetjet e tua, më shumë se kolegët e tu”.
Pas kësaj gazetarja që mbante maskë thotë fjalët e kontestuara, por më vonë në rrjetet sociale ajo mohon të ketë ofenduar zëdhënësen.
Halkett thotë se fjalët e saj janë dëgjuar gabim duke argumentuar se tha një fjali me tingellime të ngjashme dhe kjo ka sjellë ngatërresën, pra nuk tha “k*rve genjeshtare” (Okay, you’re a lying bitch), por tha “Ok, ti nuk do te pergjigjesh” (Okay, you don’t want to engage).
Halkett shkruante: “Ka shumë keqinterpretime për konfernecën, përgjigja është JO, Nuk e KAM THËNË”.
McEnany është përplasur shpesh me gazetarët që kur është bërë zëdhënëse e Shtëpisë së bardhë në prill, por deri tani përplasjet kishin mbetur të etike dhe profesionale.
E diplomuara nga universitetet e Harvard e Oxford thuhet se preferohet nga presidenti për aftësinë e kalimit të mesazhit dhe për shmangien e pyetjeve të sikletshme të gazetarëve.
Top Channel
