Hesbollah i ashpër me Izraelin, nis sulmet me dronë! Nuk kursehet ushtria izraelite
08/05 20:56
Një tufë gepardësh kishin marrë poza të tmerrshme me fytyrat e mbuluara me gjak dhe të brendshme pas gostisë me një antilopë të vrarë në Kenia.
Predatorët më të shpejtë të savanës dukeshin gjithashtu qesharakë me kokat e kuqe dhe copa të brendshmesh që herë pas here i vareshin nga goja, në parkun kombëtar kenian Maasai Mara.
Imazhet e rralla tregonin gepardët që lëpinin buzët e kënaqura, në ato që fotografi Tapan Sheth i përshkruante si “momente intriguese”.
“Kjo ishte gjuetia e parë që kam parë dhe ishte e magjishme. isha vetëm disa metra larg kapjes së tyre. Në një nga fotot gepardi shikon nga kamera dhe për këtë jam shumë krenar”, tha Tapan, nga India.
Ekspertët e botës së egër thonë se gepardët janë të rrezikuar nga tregtia ilegale si kafshë shtëpiake luksi, duke u kapur si këlyshë në Somali, Etiopi e Kenia, dhe nganjëherë të vrarë për pellushin e tyre.
Fondacioni afrikan i Botës së Egër thotë se vetëm 6,700 gepardë të rritur kanë mbetur gjallë në botën e egër.
Top Channel
