“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Klinika Infektive e Qendrës Klinike Universitare të Kosovës njoftoi se ka ndërruar jetë një tjetër pacient nga koronavirusi.
Bëhet fjalë për një 70-vjeçar nga Komuna e Vushtrisë, i cili ka pasur edhe sëmundje tjera shoqëruese. Ndërkohë gjatë ditës së sotme në këtë Klinikë janë duke u trajtuar 97 pacientë, 93 prej të cilëve rezultuan të prekur nga sëmundja. Sipas zyrtarëve atje, pesë pacientë janë në gjendje kritike e 41 të tjerë janë në terapi intensive.
Që nga fillimi i krizës në Kosovë janë shënuar 2,169 raste te koronavirusit e kanë ndërruar jetë 37 persona. Ndërkohë Telegrafi thotë se rreth 22 mijë persona kanë dalë nga Kosova përmes pikave kufitare dhe kanë hyrë në Shqipëri gjatë kësaj fundjave. Si në Kosovë, ashtu edhe në Shqipëri, por edhe vendet e rajonit, ditët e fundit ka pasur rritje të numrit të të infektuarve me COVID-19. Por tashmë lehtësimi i masave po vazhdon dhe qarkullimi e kalimet kufitare mes shteteve nuk ndalet.
Vetëm gjatë fundjavës, thonë mediat kosovare duke cituar statistikat e policisë së Kosovës, në pikat kufitare Kosovë-Shqipëri, kanë kaluar me mijëra vetë.
Top Channel
