Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
British Airways ka nxjerrë në shitje disa prej veprave të koleksionit të saj të artit me vlerë shumë miliona dollarësh, për të përballuar pandeminë e koronavirusit. Koleksioni përfshin vepra arti nga Damien Hirst, Bridget Riley dhe Peter Doig, me një nga veprat që besohet se është vlerësuar në më shumë se 1 milionë stërlina.
Është mësuar se të paktën 10 vepra janë identifikuar për shitje, edhe pse cilat ekzaktësisht nuk është e qartë.
British Airways, është përballur me një kolaps të fluturimeve dhe pritet që të shkurtojë me mijëra vende punë. Javën e kaluar, shefi i kompanisë, Alex Cruz paralajmëroi se mbijetesa e kompanisë ishte në lojë nëse nuk do të kishte një ristrukturim drastik të biznesit. Sipas mediave britanike, shtëpia e ankandeve Sotheby’s do të merret me shitjen e veprave, sa më shpejt që të jetë e mundur.
Pjesa më e madhe e veprave që përbëjnë koleksionin e British Airways, janë mbledhur me ndihmën e kuratorëve londinezë të artëise, që kanë punuar për kompaninë për 17 vjet deri në 2012 dhe kanë blerë më shumë se 1500 vepra për llogarinë e kompanisë. Si pjesa më e madhe e kompanive ajrore, financat e British Airways janë dëmtuar rëndë nga lënia në tokë e avionëve për shkak të izolimeve nga virusi. Kompania ajrore propozoi reduktimin e 12 mijë vendeve të punës me më shumë se 1 mijë poste pilotësh në rrezik. Kompania sidoqoftë thotë se po vepron tani për të mbrojtur sa më shumë vende pune të mundet.
Top Channel
