Reshjet e shiut krijojnë probleme në Berat, uji shpërthen rrugëve

I favorizuar edhe nga era e fortë, shiu ka bllokuar si rrugët kryesore ashtu edhe ato të shumë lagjeve të qytetit, duke vështirësuar mjaft lëvizjen e automjeteve dhe të këmbësorëve. Reshjet intensive të shiut që vijojnë ende pa ndërprerje,kanë vërshuar në disa nga rrugët kryesore të qytetit që janë ende nën pushtetin e ujit, ku vështirë mund të qarkullohet. Situata më problematike paraqitet në akset rrugore: ‘Spital-Uznovë’,’Kthesa e Gjykatës’,’Stadiumi i Vjetër’, ‘Agjenci’ etj, ku duket qartë që uji që ka vërshuar në rrugë dhe ka mbuluar edhe trotuaret. Thuajse të gjitha rrugët e qytetit prej rreth 1-ore janë në pushtetin e ujit, ashtu si dhe shumë lagje të qytetit, ku është e pamundur të hysh në këmbë.

Kjo situatë në Berat përsëritet sa herë që ka reshje intensive shiu dhe shkak për këtë mendohet të jetë bllokimi i tubacioneve të ujërave të larta, të cilat bëjnë që i gjithë uji të vërshojë në çdo rrugë e lagje të qytetit.

Në rrugë kanë dalë tashmë edhe punonjësit e Ndërmarrjes së Pastrimit në bashkinë e Beratit, të cilët po bëjnë të mundur zhbllokimin e pusetave, në mënyrë që të mundësohet edhe tërheqja e ujit nga rrugët. Edhe ne pedonalja e qytetit është nën vërshimin e ujit . Siç shihet nga pamjet bllokimi i pusetave në  rrugë e pedonale kane sjell përmbytje në disa rrugë e lagje të qytetit të Beratit . Përmbytje ka pasur në rrugët nga Spitali deri tek Agjencia .

Top Channel