Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Policia e Floridës në SHBA, ka nisur hetimet pasi në rrjete sociale janë publikuar pamje ku shihet një polic, duke i vendosur gjurin mbi qafë një personi afro-amerikan, teksa po përpiqej që ta arrestonte.
Burri afro-amerikan, i identifikuar si Patrick Karroll, besohet se kishte ushtuar dhunë në familje, ndaj dhe policia po e arrestonte.
“Teksa jam duke bërtitur dhe pyetur se përse po arrestohem, njëri nga policët më vendosi gjurin mbi qafë”, u shpreh Karroll për CNN.
Ndërsa njëri nga policët që ka marrë pjesë në arrestimin e Karroll thotë se në momentin që ato e arrestuan, ai tentoi të arratisej, prandaj dhe ato i vendosën gjurin në fyt.
“I dyshuari ka tentuar të arratiset dhe refuzoi të futet në pjesën e pasme të makinës. Ne përdorëm pak forcë dhe e shtrimë në tokë në përpjekje për ta qetësuar”, u shpreh një polic, identiteti i të cilit nuk bëhet i ditur.
Ndërkaq, video e këtij momenti ka ngjallur zemërim tek protestuesit që prej ditësh janë duke manifestuar për vrasjen e George Floyd, i cili humbi jetën pasi një polic i vendosi gjurin në fyt dhe i mori frymën.
Top Channel
