KURBIN- Kanë rënë në prangat e policisë dy kushërinj, të cilët sipas policisë janë bashkëpunëtorët e autorit të dyshuar të plagosjes së 2 të rinjve, mbrëmjen e datës 17 maj të këtij viti në Mamurras.
Në pranga kanë rënë N. B. (G. L.) dhe Xh. L., banues në Mamurras, Kurbin. Ndërkohë autori kryesor i ngjarjes, E.N ende nuk është arrestuar, por policia shpjegon se po punohet për kapjen e tij.
Nga hetimet rezultoi se gjatë një konflikti të çastit, në bashkëpunim me njëri-tjetrin, N. B. (G. L.), XH. L. dhe E. N., banues në Mamurras, kanë plagosur me armë zjarri K. L. dhe E. Z.
Njoftimi i policisë:
Identifikohen, lokalizohen dhe arrestohen bashkëpunëtorët e autorit të dyshuar të plagosjes së 2 të rinjve, mbrëmjen e datës 17.05.2020, në Mamurras.
Në vijim të punës së kryer nga grupi i posaçëm hetimor, nën drejtimin e Prokurorisë së Rrethit Gjyqësor Kurbin, për zbardhjen e plagosjes me armë të dy të rinjve, është bërë e mundur zbardhja e ngjarjes.
Nga tërësia e veprimeve hetimore rezultoi se gjatë një konflikti të çastit, në bashkëpunim me njëri-tjetrin, shtetasit N. B. (G. L.), XH. L. dhe E. N., banues në Mamurras, kanë plagosur me armë zjarri shtetasit K. L. dhe E. Z.
Shërbimet e Komisariatit të Policisë Kurbin, në bashkëpunim me ato të DVP Lezhë, kanë vijuar pandërprerë kontrollet intensive për lokalizimin dhe kapjen e autorëve të dyshuar dhe falë një pune profesionale dhe të mirorganizuar është bërë i mundur identifikimi, lokalizimi dhe arrestimi i dy kushërinjve, konkretisht:
-N. B. (G. L.) dhe Xh. L., banues në Mamurras, Kurbin.
Vijon intensivisht puna për kapjen e autorit kryesor të ngjarjes, shtetastit E. N.
Materialet iu referuan për veprime të mëtejshme, Prokurorisë së Rrethit Gjyqësor Kurbin, për veprën penale në ngarkim të tyre “Vrasja në rrethana cilësuese, e mbetur në tentativë” e kryer në bashkëpunim.
Top Channel
