Pushuesit në Tale janë ndarë gjithmonë të kënaqur për shkak të kushteve të favorshme, çmimeve të lira dhe hapësirave të bollshme.

Çdo vit dhe më tepër, kjo zonë bregdetare ka njohur rritje të numrit të pushuesve. Por si do të jetë ky sezon turistik në Tale me rregullat e reja për shkak të pandemisë?

Në Tale bizneset duket se kanë nisur puneë për sezonin turistik por nuk kanë asgjë të sigurt. Vitin e kaluar në këtë periudhë në Tale kishin nisur të vinin pushuesit e parë. Prengë Lleshi, prej shumë vitesh operator turistik në zonën e Tales, tregon se të gjithë kompleksin e ka të prenotuar që një vit me parë, por disa prej tyre tashmë kane nisur anulimet, ndërsa të tjerët vijojnë që të presin se çfarë do të ndodhë në vijim.

Kjo luftë duhet fituar nga ne thotë Preng Lleshi. Ekspertët duhet që të na japin optimizëm dhe kurajo pasi turizmi është dega kryesore e ekonomisë shqiptare. Ai kërkon ulje taksash për këtë sezon.

Top Channel