Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani 24/11 20:58
Pas lajmit të hidhur, për ndarjen nga jeta të piktorit, Maks Velo, një mesazh ngushëllues vjen nga ana e Presidentit, Ilir Meta.
Meta ngushëllon të afërm, bashkëpunëtor dhe miq të piktori, për të cilin shkruan se jetoi dy epoka duke provuar vuajtjet e burgjeve të diktaturës, e cilëson si shkrimtar e studiues i njohur, dhe shkruan se kjo ikje e tij le pas një boshllëk të pazëvendësueshëm në shoqërinë shqiptare.
Postimi i plotë:
“Ndarja nga jeta e Maks Velos është një lajm i trishtueshëm.
Si një prej figurave më novatore të artit shqiptar, simbol i antikonformizmit dhe lirisë së mendimit, piktor e arkitekt i shquar që luftonte pakompromis transformimet e shfrenuara urbane, intelektual aktiv që jetoi dy epoka duke provuar vuajtjet e burgjeve të diktaturës, shkrimtar e studiues i njohur, kjo ikje e Tij le pas një boshllëk të pazëvendësueshëm në shoqërinë shqiptare.
Ngushëllime të afërmve, bashkëpunëtorëve, miqve e dashamirësve të shumtë!
Maks Velo dhe zëri i Tij kritik do t’i mungojë në veçanti mbrojtjes së interesit publik në këtë periudhë të brishtë institucionale dhe demokratike”, shkruan Meta.
Top Channel
