Gjermania në krizë prej dy vitesh! Çfarë pritet nga qeveria e re dhe si do të ndikojë Trump 31/01 09:07
Të burgosurit në Manaus, qyteti brazilian në Amazona i goditur rëndë nga shpërthimi i koronavirusit, kanë marrë peng disa roje, njoftuan sot autoritetet lokale.
Arsyeja për rebelimin në burgun Puraquequara nuk ishte tërësisht e qartë por mediat vendase tregonin pamje ku raportohet se të burgosurit ankoheshin për nxehtësinë përvëluese në ambjentet e brendshme dhe mungesën e energjisë elektrike.
Në një deklaratë të autoritetit të burgjeve të rajonit të Amazona, ku përfshihet dhe Manaus, thuhej se të burgosurit kërkonin prezencën e shtypit dhe të grupeve të të drejtave të njeriut. Ata nuk kishn informacion për vdekje të mundshme.
Rebelimi vjen teksa epidemia e koronavirusit ka dërrmuar shërbimet publike në Manaus, teksa raportimet thonë se autoritetet po varrosin viktimat në varre masive prej mungesës së hapësires dhe arkivoleve.
Dhuna është e shpeshtë në burgjet e Brazilit, ku grupet e krimit të organizuar ushtrojnë kontrollin ‘de facto’ në institucione.
Grupet e të drejtave të njeriut thonë se qelitë janë aq të mbushura sa të burgosurit nuk kanë hapësirë për t’u shtrirë.
Në janar 2017, rreth 150 të burgosur u vranë gjatë një përplasjeje mes bandave në verilindje të vendit.
Top Channel
