Izraeli nën alert! Ndizen sirenat në pjesën jugore, raketat duken mbi qiell (Fotot) 06/05 22:50
Një studim i gjerë mbi pandeminë thotë së fundmi se në Britani, një e treta e atyre që duhet të trajtohen në spital nga koronavirusi i ri, janë duke vdekur.
Autorët thonin se masa e vdekshmërisë është aktualisht e ngajshme me atë të Ebola.
Studimi kishte gjurmuar rreth 17,000 pacientë, që janë rreth një e treta e atyre të shtruar në spitalet britanike, dhe zbuloi se 33% e tyre kishin vdekur, 49% ishin shëruar dhe 17% vazhdonin të merrnin trajtim për më shumë se dy javë.
“Disa njerëz vazhdojnë të besojnë se Covid-19 nuk është më i rëndë se një grip i keq, por ata gabohen rëndë”, tha Calum Semple, profesor i shëndetit të fëmijëve në University of Liverpool, autor i studimit.
“Megjithë kujdesin më të mirë që ne mund të japim, rastet fatale të njerëzve që shtrohen në spital me Covid-19 janë diku nga 35 deri në 40% që është e ngjashme me njerëzit e shtruar për Ebola.”
“Njerëzit duhet ta dëgjojnë këtë e ta fusin në kokë. Arsyeja që qeveria u kërkon të qëndrojnë në shtëpi deri në qetësimin e situatës, është sepse sëmundja është shumë e rrezikshme”, tha Semple.
Autori tjetër i studimit Peter Openshaw, i universitetit mjekësor Imperial College London, tha: “Këto janë shifra që të bëjnë esëll. Janë të gjitha të dhëna konkrete mbi tragjedinë njerëzore që përfaqëson çdo rast i virusit”.
Studimi thoshte më tej se nga të shtuarit në spital, 17% përfundonin në kujdesin intensiv. Prej këtyre 45% vdisnin, ndërsa nga ata që kishin nevojë për ventilatorë frymëmarrjeje, vdisnin 53%.
Top Channel
