“Trump sillet sikur është mbret”/ Moderatori i njohur amerikan ‘thumbon’ Presidentin: Vit i mirë për fashizmin, tirania po lulëzon 25/12 22:42
Një telefonatë mes kryeministrit Edi Rama dhe atij grek Kyriakos Mitsotakis është zhvilluar sot mëson Top Channel.
Burime të Top Channel në Athinë thanë se biseda e inicuar nga Mitsotakis ishte fokusuar në situatën e krijuar prej covid 19.
Të dy liderët shkëmbyen vlerësimet pozitive mes njëri-tjetrit, për masat e marra në mënyre të shpejtë, duke bërë që të dy vendet të jenë në një pozicion tepër të mirë përsa i përket numrit të të prekurve dhe vdekjeve prej covid.
Të dy kryeministrat shprehen bindjen se brenda periudhës së 2 muajve të ardhshëm, situata do të kthehet në normalitet dhe se është e nevojshme që liberalizimi i masave, sidomos hapja e kufijve, të bëhet e bashkërenduar.
Sipas informacioneve të para, Athina është shumë e interesuar për hapjen e kufirit, pasi brenda muajit maj do t’i duhen dhjetra mijë punonjës sezonalë, kryesisht në bujqësi.
Por biseda, raporton Top Channel, pati edhe ngjyrime politike, pasi Mitsotakis u interesua edhe për situatën në zonat e minoritetit grek që jeton në Shqipëri, nismat ligjore të ndërmarra prej qeverisë shqiptare siç është ligji i pronave, por edhe bashkëpunimi dypalësh.
Vlen të përmendet se në zonat e minoritetit grek nuk ka asnje të prekur prej covid, çka tregon se masat e marra kanë qenë rezultative.
Të dy palët ranë dakord për vazhdimin e dialogut mes vendeve, në vijim të proceseve të nisura më parë për mbylljen e problemeve të hapura ndër vite mes dy vendeve.
Top Channel
