Hezbollahu sulmon Izraelin me 250 raketa dhe predha! 24/11 20:21
‘Ne jemi në kulmin e shpërthimit të COVID-19’ kështu ka deklaruar Matt Hancock, Sekretari i shëndetësisë në Britaninë e Madhe i cili më pas ka falënderuar publikun për “angazhimin e tyre të palëkundur” ndaj rregullave të bllokimit.
Ndërkohë së fundmi në Britaninë e Madhe janë shënuar 763 viktima, por në krahasim me një ditë më parë numri është ulur pasi dje u shënuan 828 viktima.
Ndërkohë në spitalet e Britanisë së Madhe numri i vdekjeve që ka shkaktuar Covid-19 i ka kaluar 18 mijë.
Sekretari i shëndetësisë shtoi se masat e distancimit sociale nuk do të pushojnë ose ndryshojnë derisa të arrihen pesë testet e qeverisë për daljen nga bllokimi.
Departamenti i Shëndetit dhe Kujdesit Social njoftoi më vonë se, nga ora 17:00 e së martës, 18.100 njerëz kishin vdekur në spitalet në Mbretërinë e Bashkuar me koronavirus – një rritje me 763 vdekjeve të raportuara në 24 orët e fundit.
665 persona të tjerë kanë vdekur në spitalet angleze pas testimit pozitiv me COVID-19, duke e çuar totalin në 16.227.
Në Skoci, 77 pacientë të tjerë në spital humbën jetën 24 orët e fundit, duke e çuar totalin në 1.062.
Dhe në Uells, 15 njerëz të tjerë vdiqën në spitalet me COVID-19, duke e çuar totalin në 624.
Top Channel
