Në studion e emisionit “Top Talk”, të drejtuar nga gazetari Denis Dyrnjaja, ishte i ftuar me anë të një lidhje “Skype”, nga Greqia, anestezisti Vasil Llajo. Anestezisti u shpreh se Greqia, ende nuk i ka shtrënguar masat e saj parandaluese, krahasuar me vendin tonë. Por kjo gjë pritet të ndodhë në javën e ardhshme, pasi një qytet, Kastoria, me vetëm 50,000 mijë banorë, deri më tani ka shënuar 6 viktima dhe 59 të infektuar.
Nërsa, Selaniku me një milionë banorë, ka vetëm 55 persona të infektuar. Pra, ekziston rreziku, thotë Llajo, që epidemia të shpërndahet deri në Athinë, nga kontaktet që kanë pasur banorët në këtë qytet. Për sa i përket kurbës së pandemisë, deri më tani në Greqi, anestezisti thotë që është në vijë horizontale, pra situata deri më tani është e qëndrueshme. Mirëpo, Llajo, beson që kjo situatë, është krijuar nga frenimi i qytetarëve për të udhëtuar të shtunën dhe të dielën, pasi grekët, thotë ai, e kanë traditë që të shkojnë në drejtim të fshatrave në fundjavë dhe masat parandaluese, kanë bërë të mundur minimizimin e përhapjes së virusit.
Denis Dyrnjaja: Sot Greqia regjistroi viktimën e 47 dhe regjistron 1.212 raste të infektuar si duket ky trend për vendin fqinj.
Vasil Llajo: Praktikisht është shtuar numri të vdekurve në 47 siç e thatë, por trendi është në rënie sepse sot kishte vetëm 56 raste të reja, po të krahasosh me disa ditë më parë që ishte 90 deri në 100 raste të reja.
Denis Dyrnjaja: Zoti Llajo, Greqia, po përdor të njëjtën strategji sikurse dhe Shqipëria, pra me një karantinim masiv, apo qeveria ka vendosur që të vendos që të shpallë një gjendje karantinimi i vullnetshëm, le të themi. Kush dëshiron që të qëndrojë në karantinë të qëndrojë, kush dëshiron tjetër le të vijojë aktivitetin. Si është kjo situatë?
Vasil Llajo: Karantinimi nuk është i vullnetshëm është sipas ligjeve që nxjerr shteti. Për momentin duket që ligjet në Greqi janë pak më fleksible, pak më tolerante se sa në Shqipëri. Por sipas njoftimeve të sotme në shtyp, besoj që javën tjetër do të shkojmë drejt ligjeve dhe rregullave që ka vendosur Shqipëria.
Denis Dyrnjaja: Pse kjo lloj gjendje po themi e ashpërsuar, pritet një valë rritje në Greqi. Çfarë thuhet?
Vasil Llajo: Është një vatër në një qytet në Kastoria, i cili ka vetëm 50.000 banorë dhe shënoi sot viktimën e gjashtë dhe ka vetëm 59 raste. Po të llogarisësh që Selaniku është një milion banorë ka 55 raste. Pra, Kastoriaja është kthyer në një vatër dhe rreziku i shpërndarjes dhe i kontakteve që mund të kenë pasur banorët në këtë qytet dhe janë shpërndarë nëpër Athinë, mund të jenë prezent. Kështu që detyrimisht do të shkojmë në shtrëngimin e masave.
Denis Dyrnjaja: Nga eksperienca e gjatë që ju keni natyrisht duke qenë dhe pranë fushës laboratorike mjekësore. Është ky një virus kaq i rrezikshëm, apo paniku I krijuar ka ngritur më shumë seç duhet alarmin e kuq ndër shtete.
Vasil Llajo: Opinioni i përgjithshëm është që është një virus i rrezikshëm. Por nga mbrojtja dhe marrja e masave paraprake për parandalimin e tij, nuk do të ishte e rrezikshme. Për arsye se si në çdo epidemi gjithmonë i trembemi pikut dhe preferojmë të kemi bisht dhe kjo është arsyeja e masave kufizuese, që ky bisht të shkoj sa më gjatë.
Denis Dyrnjaja: Fjala vjen për Greqinë, ku është tani kurba e koronavirusit, është në ngritje, është në pik apo është ende në fillesat e saj.
Vasil Llajo: Mund të them që është në një vijë horizontale.
Denis Dyrnjaja: Si shpjegohet kjo është për shkak të masave të kufizuara apo ende nuk është shpjeguar e gjithë panorama e epidemisë në Greqi.
Vasil Llajo: Unë nuk besoj që nuk është e zbuluar e gjithë panorama. Por mendoj që marrja e masave dhe kufizimi i daljeve nëpër qytete, sidomos të shtunë e të dielë që ka qenë një fenomen për qytetet greke, që popullata e saj të dilte dhe të shkonte nëpër fshatra, u ndalua me ligj dhe asnjë të shtunën dhe të dielën nuk doli. Praktikisht të gjithë ne vetë respektuam, u ndërgjegjësuam që edhe ne duhet të qëndrojmë në shtëpi të shtunën dhe të dielën dhe kështu u bë.
Top Channel
