Angli/ Shqiptari kapet me pistoletë, përkthyesi grek i bën gjëmën
25/03/2020 20:54
Drejtuesi politik i PD i qarkut të Tiranës, Belind Këlliçi paraqitet në SPAK 25/11 09:54
Një shqiptar ndaj të cilit ishte lëshuar një urdhër arresti ndërkombëtar është dënuar nga një gjykatë angleze pasi u kap me armë pa leje tip pistoletë me selenciator, të cilën e mbante me fishek në gojë, gati për shkrepje, brenda mëngës së palltos.
Top Channel duke iu referuar medias angleze raporton se Aleksander Dedukaj, 40 vjeç është dënuar me 6 vite burg pasi policia ndaloi makinën e tij në një karburant dhe e pyeti nëse kishte armë.
Dedukaj rezulton të ketë qenë i dënuar nga drejtësia shqiptare me 5 vite burg për trafik droge ndërkohë që ishte shpallur në kërkim nga Interpoli.
Momentin e arrestimit nga policia a angleze shqiptari tha se quhej Christos Papadimitriou dhe ishte nga Greqia.
Por kjo gënjeshtër e tij ka zgjatur derisa në polici ka mbërritur një përkthyes i gjuhës greke duke zbuluar se personi që do të pyetej nga policia nuk dinte asnjë fjalë greqisht.
Pyetje në polici tropojani Dedukaj i është përgjigjur me no comment. Kaq ka mjaftuar për policinë për të zhvilluar hetime të mëtejshme e zbuluar identitetin e vërtetë të tij dhe që ai ishte person në kërkim ndërkombëtar.
Top Channel
