Presidenca ka hequr dorë nga organizimi mbledhjes së Këshillit të Sigurisë kombëtare në ambientet e presidencës ose të Pallatit të Brigadave.
Gazetari Top Channel Muhamed Veliu nga dy burime që kanë ftesë për të marrë pjesë në këtë mbledhje, ka mësuar se këshilltarët e sigurisë dhe pas konsultimin me mjekë presidentit Meta i kanë sugjeruar mbajtjen e këtij Këshilli online.
Të gjithë anëtarët permanent të Këshillit përfshi edhe kreun e PD Basha do të rreshtohen të gjithë në një ekran të madh të ndarë në kuadrate për të mbërritur me zë dhe figurë në presidencë.
Nisja e video konferencës për Këshillin E Sigurisë Kombëtare pritet të nisë ditën e nesërme ora 12:00.
Nëse kjo mbledhje do të organizohej në presidencë siç ishte planifikuar atëherë do të ishte një mundësi e mirë për kryeministrin dhe shefin e opozitës të takoheshin në distancë dhe pa shtrëngim duarsh.
Top Channel
