Ryshfet 12 mijë euro për leje shfrytëzimi dhe 7500 për të mos shembur një objekt në Ksamil! SPAK çon për gjykim zyrtarin e urbanistikës dhe ish kreun e IKMT në Sarandë 26/04 11:36
Kreu i Partisë Demokratike, Lulzim Basha ka dhënë sot një mesazh për të gjithë mjekët dhe infermierët e infektivit, tashmë të kthyer në një karantinë.
Një mesazh falenderimi, për heronjtë siç edhe kryedemokrati i quan, që po rrezikojnë jetën dhe familjarët e tyre për të dalë fitues në këtë betejë me armikun e “paftuar”.
Ky reagim vjen pas fotos së publikuar ditën e djeshme nga disa mjekë, të cilët kërkonin nga njerëzit që të mos i shohin çuditshëm.
“Të dashur mjekë, infermierë dhe punonjës të shëndetësisë kudo në Shqipëri dhe personeli i Spitalit Infektiv në Tiranë!
Jeni heronjtë tanë! Mendja dhe zemra e çdo shqiptari është me ju! Zoti ju dhëntë forcë dhe kurajo për ta përballuar këtë sfidë që kemi përpara! Në këto kohë ju nuk jeni vetëm prindër, bashkëshortë, bijë e bija, motra dhe vëllezër të familjarëve tuaj, por të të gjithëve ne bashkqytetarëve tuaj.
Mirënjohje të thellë kombëtare për secilin prej jush! Askush nuk ju sheh çuditshëm, e gjithë Shqipëria ju sheh me admirim për punën dhe përkushtimin tuaj! Zoti ju bekoftë ju dhe të afërmit tuaj! Zoti e bekoftë Shqipërinë”, shkruan Basha.
Foto/ “Bashkë do ja dalim”- mjekët dhe infermierët e Spitalit Infektiv japin mesazhin prekës
Top Channel
