Kush e përcakton se cili kandidat do të fitojë Shtëpinë e Bardhë? Fjalën e fundit e ka Kolegji Zgjedhor, si funksionon 04/11 22:57
TIRANË- Kryetari i grupit parlamentar te PS-se, Taulant Balla me anë të një reagimi në rrjetet sociale shkruan se Komisioni i Venecias u ka vënë palëve politike në dizpozicion një “draft paraprak” të Opinionit “Mbi emërimin e anëtarëve të Gjykatës Kushtetuese”, për të cilin sipas tij u është kërkuar që të ruajnë konfidencialitetin dhe të mos bëjnë komente sepse drafti është dërguar për tu konsultuar nga palët.
Kujtojmë se sot në disa media u shpërndanë disa copëza të këtij drafti paraprak ku flitej rreth veprimeve të Presidenti Meta për emërimet në Gjykatën Kushtetuese. Por sipas Ballës shpërndarja në media e këtyre copëzave të draftit e ka dëmtuar kredibilitetin e procesit.
Ndër të tjera Taulant Balla ka shkruar se dekreti i rikthyer nga Presidenca për betimin e anëtarëve të Gjykatës Kushtetuese nuk do shqyrtohet në Kuvend. Sipas tij Kuvendi nuk do të shprehet deri në marrjen e opinionit të ‘Venecias’.
“Komisioni i Venezias na ka vene ne dizpozicion nje “draft paraprak” te Opinionit “Mbi emërimin e anëtarëve të Gjykatës Kushtetuese”, per te cilin na eshte kerkuar nga ana e tyre te ruajme strikt konfidencialitetin dhe te mos bejme asnje koment, sepse drafti eshte derguar per tu konsultuar dhe komentuar nga palet.
Shperndarja e copezave apo fjalive te vecanta ne raste te meparshme te drafteve paraprake ka demtuar kredibilitetin e procesit te konsultimit me Komisionin e Venecias. Prandaj ne do te ndjekim ne menyre strikte agjenden dhe respektojme kerkesen per konfidencialitet prej vete Komisionit te Venecias deri ne miratimin e nje opinioni final zyrtar.
Nderkohe ekspertet tane do te pergatisin sipas kerkeses se vete procesit, per reflektimet e pretendimeve te paleve ne Opinionin Perfundimtar. Kjo do te thote po ashtu, se deri ne marrjen e Opinionit perfundimtar zyrtar, dekreti i rikthyer nga presidenca nuk do te diskutohet dhe as shqyrtohet ne Kuvend, per te respektuar deri ne fund Komisionin e Venecias.” shkruan Balla.
Top Channel
