Presidencialet në Rumani, sondazhet: Kandidati i Partisë Social-Demokrate udhëheq zgjedhjet 24/11 21:42
Premiera e filmit më të ri të James Bondit është shtyrë për shtatë muaj, teksa koronavirusi i ri vazhdon të përhapet.
Producentët kanë thënë se e kanë bartur prezantimin e filmit “No Time To Die”, nga prilli në nëntor “pas një shqyrtimi të kujdesshëm të gjendjes së tregut global teatral”.
Ky njoftim ka ardhur disa ditë pasi krijuesit e dy faqeve online që pëlqejnë filmat e James Bondit, kanë bërë thirrje për shtyrje të datës së premierës.
Në Britani të Madhe, data e re e premierës është 12 nëntori, nëse në Shtetet e Bashkuara 25 nëntori.
Filmi, No Time To Die, që duket se do të paraqesë për herë të fundit aktorin, Daniel Craig në rolin e agjentit të shërbimit sekret britanik, ishte planifikuar të kishte premierën më 3 prill.
Filmi i fundit Bond, Spectre, ka fituar 900 milionë dollarë, prej kur ishte prezantuar më 2015.
Disa analistë të filmave kanë sugjeruar se koronavirusi i ri mund të ndikojë në humbje në fushën e kinematografisë deri në 5 miliardë dollarë, pasi shumica e kinemave veçse janë mbyllur në Kinë, Korenë Jugore dhe Itali.
Në gjithë botën është thënë se 92,000 persona janë sëmurë nga ky virus, ndërkohë që 3,100 kanë vdekur nga i njëjti.
Numri më i madh i viktimave është shënuar në Kinë, ku edhe ka shpërthyer virusi për herë të parë në dhjetor të vitit të kaluar.
Koronavirusi i ri përcillet me koll të thatë, temperaturë dhe probleme me frymëmarrje, shkruan Rel.
Në analizën e parë që është bërë me më shumë se 44,000 raste nga Kina, shkalla e vdekshmërisë ka qenë dhjetë herë më e lartë te personat e moshuar, në krahasim me ata të moshës së mesme.
Top Channel
