SHBA dërgoi një avion mbi Tajvan, përgjigjet Kina! Dislokon forca ajrore dhe detare për të monitoruar situatën 26/11 09:52
Tridhjetë e katër raste të reja të koronavirusit u regjistruan në Mbretërinë e Bashkuar. Kështu numri i të prekurve nga virusi vdekjeprurës në Angli ka shkuar në 85.
Zyrtarët shëndetësorë nuk pranuan të zbulonin saktësisht vendndodhjet e të prekurve në Britani të Madhe, megjtihatë pohojnë se 80 kanë qenë brenda Anglisë, tre në Skoci, një në Uells dhe një në Irlandën Veriore. Rastet e reja kanë shtuar frikën e një përhapje më massive në ishull.
Katër nga rastet e reja të koronavirusit (tre në Angli dhe një në Skoci) u infektuan brenda Anglisë, ndërsa 31 pacientët e tjerë (29 në Angli dhe një në Skoci) ishin infektuar jashtë vendit. Shumica prej tyre në Itali që është qendra e koronavirusit me përhapjen më massive në Evropë.
Këto shifra vijnë në një kohë ku shefi i mjekësisë në Angli, mëngjesin e sotëm bëri një paralajmërim ku tha se koronavirusi do të vriste britanikë.
Mesazhi trishtues i profesorit Chris Whitty për 66 milion banorët e Britanisë erdhi pasi Kryeministri Boris Johnson pranoi dje se jeta e njerëzve mund të duhet të mbahet në pritje deri në tre muaj për të luftuar virusin vdekjeprurës.
Sipas ‘planit’ të qeverisë, shkollat mund të mbyllen, miliona persona mund të jenë të detyruar të punojnë nga shtëpia dhe njerëzve u është këshilluar që të ndalohen të frekuentojnë zona publike me shumë popullsi.
Top Channel
