Ndarja nga jeta e Fitim Makashit, reagon aktori Robert Ndrenika: La gjurmë të paharrueshme në skenën dhe ekranin shqiptar 31/01 22:35
Bekim Fehmiu është një nga emrat që ka bërë krenar të gjithë shqiptarët, kudo ku ndodhen. Një dokumentar, kushtuar tij, do të prezantohet më 15 qershor, në ditën e ndarjes nga jeta të aktorit.
Ekipi që po punon për dokumentarin e titulluar Bekim Fehmiu, tha në një konferencë për shtyp në Prishtinë se procesi i realizimit të tij, ka nisur në 2016 por për shkak të mungesës së fondeve, finalizimi është shtyrë. Skenaristi dhe gazetari Fahri Musliu tha se dokumentari do të jetë i metrazhit të gjatë.
“Skepticizmi im ishte te ana materiale sepse të realizohet një film i tillë kërkon një angazhim të madh, mirëpo dëshira dhe përkushtimi për ta realizuar këtë film ndoshta do t’i tejkaloj të gjitha këto barriera. Filmi do të jetë i metrazhit të gjatë më tepër se 60 minuta, 90 minuta dhe planifikojmë të rrumbullakojmë diku me xhirime dhe montazh në fund të majit që të jetë i gatshëm për 15 qershor, në ditën e largimit fizik të Bekimit nga kjo botë”.
Ndërsa, regjisori i dokumentarit ‘Bekim Fehmiu’, Valmir Derteni, tha se për realizimin e këtij dokumentari ka ndihmuar Qendra kinematografike e Shqipërisë, pasi ajo e Kosovës nuk i ka sponsorizuar.
“E kemi skenarin po përmbushet ashtu siç e kemi shkruar, xhirimet kanë nisur në Beograd për të vazhduar në vendlindjen e Bekimit në Sarajevë”.
Dertani u shpreh krenar për realizimin e këtij dokumentari, që sipas tij Bekim Fehmiu e meriton plotësisht t’i kushtohet një punë të tillë. Bekim Fehmiu është aktori i parë shqiptar që ka luajtur në filma të suksesshëm gjatë kohës së ish-Jugosllavisë. Ndër rolet më të njohura të tij janë “Prova speciale”, “Odissea”, “Aventurieri”, “Rruga”, “Vitet e nxehta”, “Dezertori”, të cilët cilësohen edhe si kryevepra.
Top Channel
