Po vjen fundi i botës? Lind bualli i bardhë, çfarë tregon profecia: 2 mijë vite më parë…
15/06 08:32
Teksa vazhdojnë kërkimet për 67 emigrantë të zhdukur në det, autoritet spanjolle kanë bërë të mundur shpëtimin e 119 jetëve të tjera.
Një zëdhënëse e agjencisë për shpëtim deklaroi se operacioni i kërkimit për një anije të zhdukur pranë brigjeve të Marokut ka rifilluar me një anije dhe një aeroplan.
Një organizatë bamirëse i njoftoi autoritetet spanjolle të hënën se një anije me 67 persona është nisur nga brigjet e Marokut drejt Spanjës. Në mesin e tyre ishin 49 burra, 13 gra dhe 5 fëmijë, shkruan “Associated Press”.
Të hënën, ekipet e shpëtimit i gjetën edhe dy barka të tjera, njëra me 60 e tjetra me 59 imigrantë nga Afrika. Ata u dërguan në Malaga dhe të gjithë ishin në gjendje të mirë shëndetësore. Refugjatët afrikanë po ikin nga vendet e tyre për shkak të varfërisë dhe dhunës, ndërsa po e synojnë Evropën përmes lundrimeve të rrezikshme me barka që nuk i plotësojnë standardet e sigurisë dhe që shpesh janë të mbingarkuara me njerëz.
Top Channel
