Në gjimnaze dhe shkolla 9 vjeçare fëmijët dhe adoleshentët i gjen me telefona celularë në duar.
Që prej nëntorit të 2018, nxënësit e kanë të ndaluar përdorimin e telefonave celularë në shkolla si dhe institucionet arsimore përgjegjëse duhet të dorëzojnë telefonat e sekuestruara pranë Policisë së Shtetit. Por ky udhëzim i ministrisë së Arsimit nuk zbatohet, pasi nxënësit vijojnë të përdorin telefonat, gjithashtu dhe mësuesit.
I kontaktuar nga Top Channel, zëdhënësi i Policisë së Shtetit, thotë që deri më tani nuk ka asnjë rast të sekuestrimit të telefonave, sepse për të arritur në këtë situatë, përdoruesi duhet të jetë përsëritës. Ndër të tjera, në udhëzim përcaktohet se çdo klasë duhet të ketë poster për ndalimin e telefonit celular.
Ndërsa një deklaratë e përbashkët mes prindërve dhe mësuesit kujdestar duhej nënshkruar për ndalimin e telefonit, por kjo nuk është realizuar gjithmonë.
Top Channel
