CHAMPIONS/ Liverpool di vetëm të fitojë, mund në shtëpi Realin dhe udhëheq ligën me pikë të plota, Juventus barazon në Angli (Rezultatet dhe Renditja) 27/11 22:59
Dëmtimi i Samir Handanovic është më i rëndë nga sa parashikohej dhe vështirë se kapiteni i Interit do të jetë i gatshëm për të luajtur përpara sfidës ndaj Juventusit në muajin mars. Për këtë arsye klubi zikaltër në emergjencë për portën ka hyrë menjëherë në merkato duke afruar një ish që në të shkuarën edhe pse ishte blerë nga Interi nuk u aktivizua në asnjë takim.
Bëhet fjalë për Emiliano Vivianon i cili pasditen e kësaj të hëne ka kryer vizitat mjekësore me klubin zikaltër dhe për të Interi ka gati një kontratë disa mujore deri në fund të këtij sezoni me opsion rinovimi edhe për një tjetër vit. Aktualisht Viviano është një lojtar pa kontratë që kur mbylli eksperiencën me Sportingun e Lisbonës 25 shtatorin e kaluar.
Daniele Padelli nuk ofron siguri dhe këtë e tregoi edhe në derbin e Madoninës ndaj Milanit, ndërkohë që në mungesë të Handanovic, Interi nuk ka as një alternativë të vlefshme për ish-portierin e Torinos pasi portieri i 3-të Berni dhe djali i Dejan Stankovic që luan për skuadrën e të rinjëve Filip Stankovic nuk bindin. Kjo është arsyeja e afrimit të Vivianos i cili gjithsesi përpara se të firmosë do të testohet nëse gati për të luajtur nga stafi teknik i klubit zikaltër. Nëse Handanovic do të ishte dëmtuar në janar atëherë Interi do të kishte bërë të mundur rikthimin në shtëpi të rumunit të talentuar Ionut Radu i cili u huazua te Parma.
Top Channel
