Atletika përjashton Luiza Gegën! Kampionia flet për Top Channel: Zgjedhjet në federatë po manipulohen, duan ta marrin fitoren në tavolinë
26/11 12:38
Prishtina është skuadra e parë gjysmëfinaliste e Digitalb Kupës së Kosovës, pasi ka arritur të mposhtë bindshëm 4-1 Vushtrrinë në ndeshjen çerekfinale të zhvilluar në stadiumin “Fadil Vokrri” të kryeqytetit.
Bardheblutë dominuan totalisht ndeshjen dhe arritën të shënojnë fillimisht me Krasniqin e më pas me Otto John në pjesën e parë, ndërsa miqtë reaguan duke rihapur takimin pak para fundit të 45-minutëshit, me golin e Astrit Fazlliut.
Megjithatë në pjesën e dytë Prishtina shënoi edhe dy gola të tjerë, fillimisht me Ahmetin dhe më pas me Otto John, që kompletoi kështu dopietën në debutimin si lojtar i kryeqytetasve, ku është huazuar nga Skënderbeu.
Në sfidën tjetër çerekfinale mes Drenicës dhe Gjilanit, u desh luajtja e 30 minutave shtesë për të përcaktuar skuadrën që do të vijojë më tej dhe ishin pikërisht vendasit ata që siguruan kalimin në gjysmëfinale, falë fitores 2-1.
Pas 90 minutave në barazim pa gola, Drenica shënoi nga një gol në çdo njërën prej shtesave 15-minutëshe dhe arriti të sigurojë kalimin më tej, ndërsa Gjilani, gjeti golin e vetëm në minutën e 119′, ndaj tani nuk i mbetet gjë tjetër veçse të përqendrohet te kampionati.
Top Channel
