Ditën e sotme i ftuar në studion e “Top Talk” ka qenë i ftuar deputeti i Partisë Socialiste, Adnor Shameti i cili është edhe anëtar i komisionit të ligjeve.
Ai ka treguar kush do të jetë mënyra për të shkarkuar gjyqtarët dhe prokurorët e KÇK-së.
Gazetari Dyrnjaja:
Rregullimet ligjore gjithmonë janë më të ngadalta se sa aksionet që ndodhin në veprim se sa ngjarjet që ndodhin në veprim, siç është ngjarja e sotme. Në fakt doja të ju pyesja, po me këta që kanë dalë nga burgu ose që ndërkohë do vijojnë të dalin nga burgu, çfarë do të ndodhë? Këta e fituan lirinë dhe mbaroi kjo histori, pra kjo është e gjithë çështja ndërkohë.
Shameti:
E reja që kemi prezantuar sot është që inspektori i lartë i drejtësisë kur merr indice që mund ta marrë nga media, nga ankime të ndryshme mund ta marri në shumë rrugë, disponon brenda tre ditëve mbi bazën e këtyre indiceve kur është i bindur për ekzistencën e një thyerje të rëndë disiplinore dhe brenda tre ditëve i kërkon këshillit përkatës pezullimin e magjistratit dhe nga ana tjetër këshilli përkatës, pra si këshilli i lartë gjyqësor atu edhe ai i prokurorisë është i detyruar që brenda tre ditëve punë të shprehet sërish për pezullimin e magjistratit.
Pezullimi është masë administrative dhe është në fuqi deri sa të shqyrtohet çështja në kolegjin përkatës.
Përveç të tjerave inspektori i lartë i drejtësisë me informacion edhe nga burime të tjera të cilat i kemi përcaktuar më ligj dhe në çdo rast përveç procedimit administrativ, pezullimit të magjistratit deri në përfundim të procesit sipas rastit mund të kërkojë edhe ndjekje penale.
Top Channel
