Leada është 11 vjeç dhe telefonin e ka mikun e saj të ngushtë.  Për të është dhurata më e bukur që prindërit I bënë në 10 vjetorin e lindjes.

Leada:

“Unë kam snapchat, instagram, TIK TOK, Facebook, Twitter… por instagramin dhe tik tokun përdor më shumë. Më shkruajnë aty njerëz që nuk I njoh më pyesin sa vjeç jam, ku jetoj, në cilën lagje.. kërkojnë informacione për mua. Ja të gjitha këto mesazhet mua më kanë ardhur… mami më kontrollon kush më ka cuar kërkesë miqësie, edhe  I heq kështu…”

Në këtë kohë digjitalizimi, përdoruesit e rrjeteve sociale janë të çdo moshe. Por fëmijët janë më të rrezikuar,  pasi nuk e kuptojnë se kush mund të fshihet pas profilit të një rrjeti social.

“Psikologët këshillojnë prindërit që para se t’u shkarkojnë aplikacione të ndryshme fëmijëve të tyre, duhet ta njohin më parë aplikacionit vetë ata dhe rrezikun që përcjell”

Fëmijët ndjekin modelin e prindërve, theksojnë psikologët,  ndaj më pak kohë në botën virtuale duhet të qëndrojnë dhe vetë të rriturit.

Valbona Treska, psikologe

“Nuk duhet të qëndrojë I qetë prindi kur e lë fëmijën vetëm në dhomë me telefon, duhet të kenë informacion me kë komunikojnë, kush fshihet pas smartphon-it… se ka raste njohjesh në rrjete sociale, e pastaj ndodhin përdhunime, apo dhe abuzime online… këto duhet t’i parandalojmë”

Top Channel