Ftesë në 5/ Ermal Hadribeaj kryeson ndeshjen në Gjermani dhe valëvit flamurin shqiptar! 18/12 21:14
Ndoshta nuk e kishte pritur që Flamurtari, në nevojë emergjente për pikë, do të luante një futboll të hapur, për të tentuar fitoren. Ilir Daja e komplimenton kundërshtarin për atë që tregoi, duke kujtuar edhe luhatjet e skuadrës së tij, të evidentuara në pjesën e parë të sezonit.
“Kemi goxha oshilacione, e vumë re dhe sot. E prisja, pavarësisht se punuam për t’i ulur lojtarët me këmbë në tokë. E pasqyra e gjysmës së parë të kampionatit ka qenë e tillë, kemi vuajtur me Flamurtarin. Nuk është i njëjti përqendrim, pavarësisht se Vlora sot duhet të komplimentohet, sepse nuk u mblodh mbrapa dhe bëri futboll të hapur. Shpejtësi e veprimit tonë ishte e ulët, duke i ulur befasinë sulmit.”
Daljet e shpejta: Sulmet e shpejta janë një nga elementet tona më të forta. Po të shikojmë strukturën, lojtarët nivelin teknik e kanë shumë të mirë, për të krijuar befasi në sulm. Sot kishim ndërtuar një tjetër manovër për ta vënë në vështirësi Flamurtarin, përqendrimi nuk ka qenë i duhuri, kjo gjë më shqetëson.
Motivimi i dobët: Fajin kryeson e merr trajneri bashkë me stafin. Pavarësisht se ne jemi munduar ta largojmë ekipin nga situata me UEFA-n, kjo shfaqet. Lojtarët njësoj duhet të sillen si me Partizanin si me Flamurtarin. 3 pikë është fitorja me Partizanin, 3 pikë është dhe me ekipet e tjera. Me të mbaruar ndeshja me Partizanin, lojtarët po festonin, ndërsa unë iu thashë që të uleshin me këmbë në tokë, se këto ndeshje i kemi më shumë problem.
Fusha, jo e mirë: Është një nga fushat më të mira në Shqipëri, por për vetë temperaturat dhe për shkak të ngricave është kjo gjendja. Shpresoj që ta kemi fushën në kushte optimale.
Top Channel
