Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Vetëm pak minuta pas ngritjes nga aeroporti i Tehranit avioni Boeing 737 u rrëzua duke lënë të vdekur 176 personat që ishin në bord.
Sipas televizionit shtetëror të Iranit rrëzimi i avionit ka ndodhur për probleme teknike. Ajo që shton më shumë tensionet është se Irani ka refuzuar të japë kutinë e zezë as kompanisë Boenig dhe as Ambasadës Ukrainase.
Një qëndrim i tillë ka rritur dyshimet duke i shtyrë autoritetet ukrainase që të ndryshojnë edhe qëndrimin zyrtar sa i përket incidentit, ku fillimisht përjashtohej mundësia që aeroplani të ishte rrëzuar si pasojë e ndonjë sulmi terrorist.
Deklarata zyrtare e lëshuar nga Ukraina tashmë është shlyer dhe thuhet se informacionet paraprake kanë qenë jozyrtare. “Informacionet rreth asaj se çfarë mund të ketë shkaktuar rrëzimin e aeroplanit po sqarohen nga Komisioni. Çfarëdo deklarate që flet lidhur me shkaqet e aksidenti përpara vendimit të komisionit nuk është zyrtar”, thuhet në deklaratën e re të autoriteteve ukrainase.
Deklarata e parë që ishte publikuar në faqen e Ambasadës së Ukrainës e që është fshirë, ka përjashtuar sulmin terrorist si shkak të incidentit, duke thënë se informacionet preliminare flasin për një problem në motorin e aeroplanit. Nga rrëzimi i aeroplanit ukrainas në afërsi të Teheranit kanë mbetur të vdekur 167 pasagjerë.
“Black Box” apo “Kutia e Zezë” është një pajisje e cila regjistron të dhënat e aeroplanit gjatë fluturimit dhe gjithashtu edhe regjistron zërin, dhe është një prej pajisjeve që mund të zbulojë shkaqet e vërteta të incidentit.
Këtë të mërkurë, disa orë pas sulmit iranian mbi bazat raketore amerikane, një avion Boeing 737, me 170 pasagjerë u rrëzua fill pas ngritjes në aeroportin Imam Khomeini në Teheran, Iran.
Përfshirja e avionit nga flakët pas përplasjes e vështirësoi ndërhyrjen e menjëhershme për shpëtimin e jetëve të viktimave. Sipas FlightRadar24, shërbim për gjurmimin e fluturimeve raportohet se avioni u rrëzua dy minuta pas ngritjes. Presidenti ukrainas Volodymyr Zelensky, pas konfirmimit të viktimave u shpreh se po punohet për të sqaruar rrethanat e tragjedisë.
Është bërë i mundur identifikimi i viktimave, nga ku mësohet se 82 janë iranianë, 63 kanadezë, 11 ukrainas (përfshirë ekuipazhin), 10 suedezë, 4 afganë, 3 gjermanë dhe 3 britanikë.
Top Channel
