Kërcënimet e Putin, Ukraina i kërkon komunitetit ndërkombëtar të reagojë: Të shmanget zgjerimi i luftës! 28/11 18:19
Eva Pëllumbi u shua në moshën 66 vjeçare në Gjermani. Aktorja e njohur për filmat “ Vajzat me kordele të kuqe”, “Kapedani” apo “Ëndërr për karrige” si dhe për rolet e saj të shumta të Teatrin e Kukullave jetonte në Gjermani që në fillim të viteve ‘90.
Ceremonia e varrimit u zhvillua në Aurich të Gjermanisë sot.
Aktorja e mirënjohur e ka dhënë intervistën e saj të fundit në Top Channel, nga ku shprehu zhgënjimin për mos vlerësim ne fillim te karrierës se saj, pasi shpesh autorësia e saj është mohuar nga filmat multiplikativ.
Një ndër shprehjet saj që do të mbahet mend është “Jepi rini jepi” në filmin “Kapedani”. Por sidomos do të kujtohet edhe portreti i saj shprehës dhe i bukur.
Në Teatrin e Kukullave është “Pinoku” apo “Cufo”, një rol që fëmijët e viteve 80 nuk mund ta harrojnë. Zëri i saj ishte pjesë e shumë filmave dhe roleve që nga mamadhia, kecat, papagalli etj.
Eva Pellumbi lindi me 1953 ne Tirane. Aktiviteti i saj ne skene filloi që ne moshe fare të vogçl ne pallatin e pionierve.
Me Eva Pëllumbin përgjatë këtij viti shuhet një tjetër yll i kinemasë shqiptare. Ashtu si më herët këtë vit kanë ndërruar jetë Marika Kallamata, Shpresa Bërdëllima, parodisti i Vlorës Muhamet Lika, Mira Minga Jupi dhe Valentina Caci.
Top Channel
