U shpall fajtor për publikimin e dokumenteve sekrete të Pentagonit, 22-vjeçari dënohet me 15 vite burg 12/11 22:43
Një burrë kanadez, të cilit mjekët ia amputuan parakrahun dhe dorën (lexo: amputim- heqje kirurgjikale e një gjymtyre të trupit) ende e ruan pjesën skeletore dhe madje sigurohet ta marrë me vete kudo që shkon.
Mark Holmgren, 37 vjeç, pësoi një lëndim të rëndë në krah, kur u përplas me motoçikletën e vëllait në vitin 1999. Burrit i ishin këputur disa fije nervore në krah dhe dora i kishte mbetur e palëvizshme.
Ndonëse nuk mund ta lëvizte fare dorën, ai fillimisht kishte refuzuar që mjekët t’ia amputonin atë, duke e mbajtur në atë gjendje për dy dekada. Kanadezi shpresonte se zhvillimet e ardhshme në mjekësi do t’ia mundësonin kthimin e aftësisë për ta lëvizur dorën.
Megjithatë, më në fund vendosi që të shkonte në spital në mënyrë që mjekët të ndërhynin në dorën e palëvizshme. Ai nuk dëshiroi që të ndahej përgjithmonë nga pjesa e trupit, duke kërkuar nga mjekët që t’ia jepnin dorën pas operacionit.
“E mora dorën nga spitali duke e futur në një qese mbeturinash dhe e mbajta në frigorifer për rreth një muaj”, tha Holmgren-i.
Top Channel
