Rruga Fier-Ballsh në gjendje të dëmtuar!
23/12/2019 12:55
Aksident me një të plagosur në Fier, automjeti përplaset me motorin
27/11 16:26
Rruga nacionale Fier-Ballsh është në gjendje të mjeruar.
Në pjesën më të madhe të saj rruga ka dëmtime të shumta, të cilat bëhen shkak për aksidente rrugore.
Gjendja e rrugës rëndohet gjithnjë e më tepër, ndërsa nuk ka asnjë interesim për mirëmbajtjen e saj. Ky segment rrugor me një gjatësi prej 27 km, është më shumë i dëmtuar nga vendi i quajtur kthesa e Patosit deri në hyrje të qytetit të Ballshit.
Drejtuesit e mjeteve thonë se është e papranueshme gjendja e mjeruar e rrugës që lidh Ballshin, qytetin me kontribute të mëdha financiare nga industria e përpunimit të naftës, me pjesën tjetër të vendit.
Rruga nacionale Fier -Ballsh është lënë krejtësisht në harresë që prej vitit 2012, pas inaugurimit të autostradës Levan-Tepelenë.
Top Channel
