Pa Filtra/ “Kalova në depresion pas lindjes”, rrëfimi prekës i Françeska Muratit: Eksperienca më e keqe në jetë, doja vetëm të… 22/12 20:40
Hulumtuesit kanë zbuluar se të rriturit që kanë pasur qen para moshës 13-vjeçare, kanë 24 për qind më pak gjasa të preken nga sëmundjet e çrregullimeve mentale.
Shkencëtarët besojnë se njerëzit mund të marrin viruse nga qentë e tyre, të cilët forcojnë sistemin e tyre imunitar dhe baktereve në zorrë, dhe duke luajtur me ta mund të ulin stresin.
Të dy faktorët mendohet të luajnë rol në zhvillimin e skizofrenisë, por nuk ka asnjë shkak të qartë.
Sidoqoftë, studimi në të cilin morën pjesë 1,300 të rritur, gjeti se të pasurit qenë si fëmijë mund të ofrojë benefit dhe mund të ketë efekt të kundërt, transmeton KosovaPress.
Profesori Robert Yolken nga Qendra e fëmijëve Hopkins në Baltimor tha se çrregullimet serioze psikike janë të ndërlidhura me sistemin imunitar që i është ekspozuar ambientit në jetën e hershme.
“Derisa kafshët shtëpiake janë shpesh në mesin e gjërave të para me të cilat fëmijët kanë kontakt të afërt, kjo është logjike për ne që të eksplorojmë mundësitë e lidhjes ndërmjet atyre dyjave”, u shpreh ai.
Një total prej 1,371 meshkuj dhe femra të moshës ndërmjet 18 dhe 65-vjeç ishin të përfshira në studim.
396 prej tyre kishin skizofrenia, 381 kishin çrregullime bipolare dhe 594 nuk ishin diagnostikuar asnjëherë me çrregullime psikike.
Të gjithë pjesëmarrësit janë pyetur nëse kishin mbajtur qen ose mace gjatë periudhës së tyre të parë 12-vjeçare.
Skizofrenia është çrregullim kronik mental që tregon mënyrën e të menduarit, ndjenjave dhe sjelljes së një njeriu.
Njerëzit me këtë sëmundje janë të humbur në bashkëveprim me realitetin, transmeton KosovaPress.
Shkaku i sëmundjes është i paqartë dhe besohet të jetë një përzierje e gjenetikës, jo-normalitetit të kimikateve në tru, mundësia e infeksioneve virale dhe çrregullimeve imunitare.
Simptomat e skizofrenisë zakonisht fillojnë ndërmjet moshës 16 deri 30-vjeç. Në raste të rralla, fëmijët kanë skizofreni, po ashtu.
Këto simptoma hyjnë në mesin e tri kategorive: pozitive, negative dhe aftësive njohëse.
Simptomat pozitive përfshijnë halucinacione, iluzione, çrregullime në të menduar. Ato negative përfshijnë aftësitë që ‘janë humbur’ nga personaliteti i personit dhe përfshijnë ‘efektin e rrafshët (reduktimi i shprehjes së emocioneve përmes fytyrës ose tonit të zërit), reduktimit të ndjenjës së kënaqësisë në jetën e përditshme, vështirësi në fillimin dhe zhvillimin e aktiviteteve.
Simptomat e njohjes kognitive janë ndryshimet në memorien e tyre ose aspekteve tjera të të menduarit dhe përfshijnë: probleme në fokusim dhe vëmendje, probleme me ‘punën e memories’, aftësi e ulët për të kuptuar informacionin dhe për ta përdorur atë në mënyrë që të marrë vendime.
Qentë mund të bartin bakterin te pronari i tyre, i cili në teori, mund të rrisë mikrobiomën e zorrëve te fëmijët.
Skizofrenia është dëshmuar se ka lidhje me zorrët, ndonëse shkencëtarët ende duhet të gjejnë prova.
Top Channel
