Hezbollahu sulmon Izraelin me 250 raketa dhe predha! 24/11 20:21
Mjeti ajor pa pilot (IHA- dron pa armatime) pasi u ngrit nga baza ajrore detare Dalaman e Turqisë mbërriti në aeroportin Geçitkale të Republikës Turke në Qipron Veriore.
Droni i tipit “Bayraktar TB2” u lëshua në aeroportin “Geçitkale” në Famagusta rreth orës 7 të mëngjesit. Qeveria e Qipros Veriore më parë e kishte autorizuar shfrytëzimin e këtij aeroporti për mjetet fluturuese pa pilot.
Ky veprim i Turqisë erdhi pas nënshkrimit të marrëveshjes me Libinë muajin e kaluar për shfrytëzimin e rezervave të gazit në pjesën lindore të Detit Mesdhe.
Në këtë marrëveshje parashihet territor më i madh në dispozicion të Turqisë, në kundërshtim me pretendimet territoriale të Greqisë dhe Republikës së Qipros, e cila e kontrollon pjesën jugore të ishullit.
Analistët thonë se dërgimi i këtij droni në Qipro është kërcënim ndaj përpjekjeve të rivalëve për të marrjen e të drejtave të nxjerrjes së gazit, pasi Qiproja Jugore, Greqia, Egjipti dhe Izraeli e përjashtuan Turqinë nga Forumi i Mesdheut Lindor për Gazin.
Për më tepër, Turqia më parë i ka dërguar dy anije për nxjerrjen e gazit në këtë rajon, pavarësisht kërcënimit të Bashkimit Evropian për sanksione.
Turqia nuk e njeh Republikën e Qipros, e cila është anëtare e Bashkimit Evropian, dhe thotë se Republika Turke e Qipros Veriore, e cila njihet vetëm nga Turqia, ka të drejtë të nxjerrë gaz në tërë territorin ujor përreth ishullit, shkruan “The Guardian”.
Top Channel
