Sulm me bombë në Afganistan, 10 persona humbin jetën
13/12/2019 14:15
Top Channel/Meta nuk i ndal fyerjet ndaj kreut të SPAK: Nuk i druhem një prokurori që i dridhet goja
Dhjetë njerëz u vranë nga shpërthimi i një bombe të vendosur në rrugë, në lindje të Afganistanit, njoftuan zyrtarët.
Në mesin e viktimave janë katër gra dhe një fëmijë. Incidenti ndodhi në rajonin e paqëndrueshëm të Jaghatu në provincën Ghazni.
Të gjitha viktimat e shpërthimit ishin civilë, tha Aref Noori, një zëdhënës i guvernatorit të provincës, duke shtuar se gjashtë persona tjerë u plagosën. Zyrtarët thanë se bomba e vendosur në rrugë kishte në shënjestër forcat e sigurisë afgane. Ende askush nuk e ka marrë përgjegjësinë për sulmin, por zyrtarët fajësuan talibanët për incidentin.
Në fillim të kësaj jave, talibanët ndërmorën një sulm pranë Bagramit, një bazë e madhe ajrore amerikane. Ky është incidenti i dytë brenda dy javëve të fundit në këtë rajon. Në incidentin e mëparshëm, një person humbi jetën dhe një tjetër u plagos nga një bombë e vendosur në rrugë.
Top Channel
