6 kilogramë lëndë Cannabis Sativa të sekuestruara dhe një person i arrestuar në flagrancë; ky është rezultati i një operacioni policor në Gjirokastër.
Kështu ra në pranga shtetasi J.Gj., 35 vjeç, banues në Lazarat, Gjirokastër, pasi nga kontrolli i ushtruar në banesën e tij, u gjet 6 kilogramë lëndë e dyshuar narkotike Cannabis Sativa, e cila u sekuestrua në cilësinë e provës materiale.
Gjithashtu u referuan materialet në Prokurorinë pranë Gjykatës së Shkallës së Parë Gjirokastër për veprën penale “Kalim i paligjshëm i kufirit”, për shtetasin J.Gj.(shtetasi i mësipërm i arrestuar) dhe shtetasin A.H., banues në Libohovë, pasi në orët e para të mëngjesit të ditës së djeshme këta shtetas janë kapur duke kaluar në mënyrë të paligjshme kufirin.
Materialet i kaluan Prokurorisë për hetime të mëtejshme.
Top Channel
