Poloni, fermerët bllokojë kalimin kufitar me Ukrainën 24/11 08:48
Autoritetet greke njoftuan se një person ka vdekur, pasi një zjarr shpërtheu në një kamp refugjatësh në ishullin Lesbos.
Departamenti i zjarrfikësve tha se zjarri shpërtheu para agimit të së enjtes, në kampin Kara Tepe.
“Ekipet e zjarrfikësve u përgjigjen menjëherë”, tha departamenti.
Ende është e paqartë se çfarë e shkaktoi zjarrin.
Greqia vazhdon të jetë në vijën e parë të krizës së migracionit në Evropë dhe në periudhën e fundit ka pasur një rritje të numrit të migrantëve që hyjnë në territorin grek nga Turqia.
Migrantët janë kryesisht nga zonat e konfliktit në Lindje të Mesme.
Qeveria ka thënë se planifikon të transferojë 20.000 azilkërkues nga ishujt deri në fund të vitit, në objekte të tjera.
Më 28 nëntor, Komisioneri i Lartë i Kombeve të Bashkuara për Refugjatët, Filippo Grandi kritikoi kushtet në kampin e migrantëve në Lesbos të Greqisë.
“Kushtet në të cilat jetojnë njerëzit janë jashtëzakonisht shqetësuese. Ekziston një ndjenjë e madhe dëshpërimi dhe mungesa e perspektivës e vështirëson situatën”, tha Grandi.
Qeveria e re konservatore e Greqisë, e zgjedhur në korrik, ka marrë një qëndrim më të ashpër ndaj krizës së migrantëve në krahasim me paraardhësen e saj të majtë.
Top Channel
