Konfirmohet përbërja e re e Komisionit Evropian, mandati 5-vjeçar me në krye Ursula von der Leyen nis më 1 dhjetor 27/11 12:36
Këngëtarja kiliane Mon Laferte në ndarjen e çmimeve Grammy, mbajtur në Las Vegas, shëtiti në tapetin e kuq me gjinj të zhveshur, i cili paraqiste një mesazh politik.
Ajo veshi një mantel të zi, i cili zbuloi gjoksin mbi të cilin ishte shkruar: Në Kili, ata torturohen, dhunohen dhe vriten.
Protestat masive antiqeveritare janë mbajtur në vendin e Amerikës së Jugut muajin e kaluar, të organizuar fillimisht për të rritur transportin publik. Në këto demonstrata janë vrarë të paktën 20 njerëz deri më tani, me mbi 1.000 të plagosur, transmeton KosovaPress.
Mon Laferte në këtë ceremoni mori çmimin për albumin më të mirë alternativë të vitit, dhe gjatë ceremonisë së ndarjes së çmimeve, ajo recitoi poezinë “Kili, vuajtja jote është e dhimbshme” nga poeti La Chengera.
Qeveria njoftoi se do të mbahet një referendum për të ndryshuar kushtetutën që daton nga diktatura, e cila ishte një nga kërkesat kryesore të protestuesve, raporton BBC.
Çmimet latine Grammy të këtij viti ishin me shumë ngjyra politike, me shumë artistë që përmendin situata të tensionuara në vendet e tyre në fjalimet e tyre, transmeton KosovaPress.
“Nikaragua është ende në luftë. Nikaragua vazhdon luftën për liri”, tha muzikanti Luis Enrique në fjalimin e tij, ndërsa reperi portorikas Rezidente, ia kushtoi çmimin e tij barazisë.
“Kjo është për të gjithë njerëzit që luftojnë në Amerikën Latine. Ne nuk duhet të lejojmë që qeveritë tona të bëjnë marrëzira. Ne duhet të vazhdojmë të luftojmë, “tha ai.
Top Channel
