Lufta në Ukrainë, forcat ruse kapin një tjetër vendbanim në rajonin e Donetsk 27/11 11:14
Banorët e kryeqytetit të Bolivisë La Paz janë duke pritur në radhë në rrugë sot për të marrë ushqim dhe gaz, ndërsa mbështetësit e presidentit të dëbuar Evo Morales vazhdojnë të bllokojnë rrugët kryesore në vend, gjë që ka penguar banorët e qytetit të furnizohen nga fermat rurale.
Zyrtarët thonë se një aeroplan i madh ushtarak, Hercules, zbarkoi dje në La Paz duke sjellë produkte mishi, transmeton KosovaPress.
Ata gjithashtu deklarojnë se është krijuar një “urë ajrore” me La Paz dhe se komunikime të ngjashme do të sigurohen me qytete të tjera të mëdha boliviane që janë prerë dhe nuk mund të furnizohen për shkak të bllokimeve të rrugës.
Ish-presidenti Evo Morales dha dorëheqjen nën presion më herët këtë javë pas disa javësh protesta dhe dhune pas zgjedhjeve të 20 tetorit që i dhanë atij një fitore të eklipsuar nga akuzat e mashtrimit.
Ai mori azil në Meksikë dhe presidentja e vetë-shpallur e përkohshme boliviane Jeanine Áñez mori detyrën. Sidoqoftë, protestat e mbështetësve të Morales vazhduan në qytetet e mëdha të Bolivisë.
Të paktën 23 njerëz janë vrarë në konflikt që nga fillimi i krizës në Bolivi, me 715 të plagosur në përleshje, tha Komiteti ndër-amerikan për të drejtat e njeriut.
Top Channel
