“Rusia nuk është partnere e besueshme”, pezullohet furnizimi me gazin natyror rus në Austri 15/11 20:13
Sheshi i Shën Markut në Venecia është përmbytur përsëri dhe mbyllur për publikun sot, pasi qyteti u godit nga një valë prej 150 centimetrash e lartë, niveli i tretë më i lartë i regjistruar ndonjëherë.
Me katër valë mbi 140 centimetra të larta që nga e hëna e kaluar, kjo javë ka qenë më e keqja që nga fillimi i matjes së valëve në vitin 1872, në Venecia.
Kryebashkiaku Luigi Bruniaro vlerëson se dëmi i përmbytjes në qytet që nga e marta është rreth një miliard euro.
Qendra e parashikimit të valëve të qytetit ka paralajmëruar se vala sot mund të arrinte sot në 160 centimetra.
Mijëra vullnetarë po ndihmojnë qytetarët në qytetin e përmbytur, transmeton KosovaPress.
Sheshi i Shën Markut u mbyll përsëri, vetëm një ditë pasi turistët dhe banorët e Venecias u lejuan të hynin në shesh.
E ndërtuar në një seri ishujsh të vegjël, Venecia është veçanërisht e ndjeshme ndaj kombinimit të niveleve të ngritura të detit për shkak të ndryshimit të klimës.
Sipas shërbimit të monitorimit të valëve të qytetit, nivelet e detit rreth Venecia janë 10 centimetra më të larta se sa 50 vjet më parë.
Autoritetet e Firences dhe Pizës po monitorojnë nivelin e ujit të lumit Arno, i cili u ngrit me shpejtësi gjatë natës për shkak të reshjeve të mëdha të shiut.
Top Channel
