Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Eintrachti i Frankfurtit turpëron 5-1 Bayernin e Mynihut në “Commerzbank-Arena”, duke u shkaktuar një nga humbjet më të rënda në histori. Për kampionët në fuqi të Bundesligës shkoi gjithçka keq, me trajnerin kroat Niko Kovac që rrezikon seriozisht stolin.
Bavarezët morën një goditje të rëndë që në minutën e 9-të, me ndëshkimin me karton të kuq të Jerome Boateng që ndërhyri në mënryrë të gabuar si lojtar i fundit në vijën e 16 metrave.
Festivali i golave të Eintrachtin nisi në minutën e 25-të kur Kostic, në vendin dhe kohën e duhur e zhbllokoi rezultatin, ndërsa në të 33-ën Sow thelloi diferencën me një goditje që ishte e pakapshme për Neuer.
U duk sikur Bayerni u kthye në lojë me finalizimin e saktë të Robert Lewnadowskit në minutën e 37-të, por ngushtimi i diferencës (2-1) rezultoi thjesht një iluzion për bavarezët, që pësuan edhe 3 gola të tjerë në pjesën e dytë me autorë Abraham, Hinteregger dhe Paciencia.
Ndryshe nga Bayerni, Borussia e Dortmundit bëri detyrën në shtëpi ndaj Wolfsburgut, duke fituar me rezulatin e thellë 3-0. Të gjithë golat u shënuan në pjesën e dytë (Hazard 52’, Guerreiro 58’, Gotze 88’).
Në takimet e tjera spikat fitorja 8-0 e Leipzigut ndaj Mainzit, Leverkuseni u mposht 1-2 nga B. Monchengladbach, ndërsa Frieburgu barazioi 2-2 në fushën e Werder Bremenit, ku për vendasit golin e parë të takimit e realizoi Milot Rashica.
Top Channel
