Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Liverpooli ia ka dalë të kualifikohet për në fazën çerekfinale të EFL Cup, duke eliminuar Arsenalin me penallti, pasi koha e rregullt kishte përfunduar me rezultatin spektakolar 5-5.
Sfida u zhbllokua nga një autogol i Mustafit, por më pas Arsenali shënoi tre herë të tjera me Torreirën dhe Martinellin dy herë, para se Milner të çonte shifrat 2-3, në pjesën e parë.
Edhe 45-minutëshi i dytë prodhoi sërish 5 gola, por këtë herë 3 për Liverpoolin, me Oxlade-Chamberlain dhe dopietë e Origit, dhe dy për Arsenalin me Maitland-Niles dhe Willock.
Ruleta e penalltive u buzëqeshi të besuarve të Jurgen Klopp, që ekzekutuan saktë të gjithë penalltitë në dispozicion, ndërsa “topçinjtë” e Londrës gabuan njërën me Ceballos.
Nuk ia ka dalë të shkojë më tej në këtë kompeticion ndërkohë, as skuadra tjetër e Londrës, Chelsea, që u mposht në “Stamford Bridge” nga Manchester United, me rezultatin 1-2.
Marcus Rashford shënoi të dy golat për “djajtë e kuq”, duke zhvlerësuar rrjetën e Batshuayit për londinezët dhe duke çuar skuadrën e tij në fazën çerekfinale të EFL Cup.
Top Channel
