Inteligjenca ukrainase kryen sulm kibernetik ndaj partisë ruse? Çfarë dihet deri tani 26/04 16:04
Në Gjirokastër ka nisur java e gjuhës italiane e kthyer në traditë që prej vitit 2001. Maratona e poezisë që çeli eventin mblodhi në kalanë e qytetit shumë dashamirës të gjuhës italiane dhe rreth 120 fëmijë që e studiojnë italishten si gjuhë të parë dhe të dytë. E pranishme në ngjarjen e përvitshme ishte edhe konsullja e përgjithshme e Italisë në Vlorë znj. Luana Mikeli.
“E çmojmë shumë këtë shkëmbim kulturor shumëvjeçar dhe atë që popujt tanë dhe fëmijët tanë ndajnë me njëri-tjetrin. Shkëmbimet janë tashmë efektive në shumë fusha në kulturë, në edukim, shkencë, biznes dhe në art”, thotë Mikeli.
Shkëmbimet në fushën e kulturës kanë sjellë marrëveshje dhe rezultate në gërmimet arkeologjike, studimet e sizmicitetit, marrëveshjet akademike etj.
Gjatë ditëve në vazhdim do të ketë edhe Projeksion Filmash italiane me metrazh të shkurtër në Qendrën e Kulturës Italiane në Universitetin “E.Cabej” si dhe një koncert të nxënësve të Konservatorit të Barit.
Top Channel
