Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Tjetër fitore me goleadë e Paris Saint Germain që triumfoi 1-4 në transfertën ndaj Nice duke blinduar vendin e parë në Ligue 1.
Pa Neymar dhe Cavanin dhe Mbappe në stol, por me Icardin dhe Di Marian në superformë, parizienët e panë veten shumë shpejtë në avantazh të dyfishtë falë dy golave të mesfushorit argjentinas.
I pari për meritë edhe të Icardit që i dha një asist perfekt ndërsa goli i dytë ishte një magji e vërtetë e Di Marias.
Ganago në të 67-ën u duk sikur riktheun Nice në ndeshje, por skuadra e Patrick Viera mbeti me 9 lojtarë pas daljeve me karton të kuq të Cyprien dhe Herelle në minutat 74 dhe 77-të.
Në fund kishte vend edhe për golat e Mbappe dhe Icardin me të parin që hyri në fushë nga stoli ndërkohë që sulmuesi argjentinas e pati të lehtë ta dërgonte topin në rrjetë pas asistit të Mbappe. Me këtë fitore PSG u ngjit në kuotën e 24 pikëve.
Top Channel
