Edhe tre të tjerë të arrestuar te “Unaza e Re”, bllokuan rrugën për protestë
12/10/2019 09:37
Organizonin baste sportive online, arrestohen 6 persona në Tiranë 24/11 09:43
Ka shkuar në gjashtë numri i personave të arrestuar, të cilët protestojnë duke bllokuar rrugën në zonën e “Unazës së Re”, në Tiranë. Në pranga kanë rënë shtetasit me iniciale Eduard Ferhati, 27 vjeç; Ruzhdi Daci, 54 vjeç dhe Tomor Gjata, 56 vjeç, të tre banues në rrugën “Teodor Keko”.
Ata akuzohen për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike” dhe Pengimi i qarkullimit të mjeteve të transportit”.
Policia njofton se po punon për identifikimin dhe kapjen e personave të tjerë, pjesëmarrës në bllokimin e rrugës në zonën e Unazës së Re.
Dy ditë më parë u arrestuan edhe tre banorë të tjerë të zonës, të cilët protestojnë prej gati një viti kundër projektit që parashikon zgjerimin e rrugës dhe prishjen e shtëpive të tyre.
Me ndryshimet e bëra së fundmi në Kodin Penal, bllokimi i rrugës dënohet deri në 3 vite burg.
PD: Ndaloni arrestimet tek ‘Unaza e Re’
Top Channel
